Stuhitë që kanë goditur Korfuzin kanë shkaktuar përmbytje të rrugëve në qytetin e Korfuzit, duke përfshirë qendrën historike dhe perimetrin e saj.
Shiu i rrëmbyeshëm ka dëmtuar rrjetin elektrik, duke lënë pa energji elektrike qytetin dhe fshatrat në Korfuzin verior.
Po ashtu, aeroporti i Korfuzit është mbyllur për fluturimet për shkak të reshjeve të forta, aktivitetit të rrufeve dhe mbulesës së ulët të reve.
Shërbimi i Emergjencave ka paralajmëruar se priten shirat e dendur dhe stuhi, me mundësi breshëri për zonat e Korfuzit, Paksos dhe Epirit deri nesër në mëngjes.
