Më 8 shtator nis zyrtarisht viti i ri shkollor, me 30 shkolla të reja dhe të rikonstruktuara që do të hapin dyert për mbi 8 mijë nxënës dhe mësues në mbarë vendin.
Kryeministri Edi Rama ka bërë të ditur se këto institucione janë pjesë e investimeve për përmirësimin e infrastrukturës arsimore, duke përfshirë edhe palestra e terrene sportive moderne.
Qeveria synon që përmes këtyre projekteve të garantojë kushte të barabarta mësimi në të gjitha zonat e Shqipërisë.
