Gjykata e Posaçme e Apelit për Korrupsionin dhe Krimin e Organizuar ka paralajmëruar avokatin e Ilir Metës Kujtim Cakrani se nëse nuk paraqitet në seancën e datës 8 shtator, ai do të zëvendësohet.
Paralajmërimi bazohet në nenin 132/1 të Kodit të Procedurës Penale, sipas të cilit mungesa e paarsyeshme sjell dorëzimin e çështjes tek një mbrojtës i caktuar nga gjykata.
Seanca e ardhshme do të shqyrtojë ankimimin e Metës ndaj vendimit për “arrest me burg”, të dhënë nga Gjykata e Shkallës së Parë.
Ilir Meta, ish-president dhe kryetar i Partisë së Lirisë, është në burg që nga tetori 2024, nën akuza për korrupsion pasiv, falsifikim dhe pastrim parash.
SPAK ka mbyllur hetimet dhe ka dërguar dosjen për gjykim, përfshirë edhe zyrtarë të tjerë si Monika Kryemadhi, Pirro Xhixho e pjesëtarë të tjerë.
