Shqipëria do të ndikohet nga një rritje e vlerave barike, çka sjell stabilitet në kushtet atmosferike në mbarë vendin.
Parashikohet që orët e paradites të dominohen nga kthjellime dhe diell, ndërsa pasditja dhe mbrëmja do të sjellin kalime të lehta vranësirash, kryesisht në zonat malore lindore.
Zonat bregdetare dhe ato të ulëta do të mbeten nën ndikimin e motit të kthjellët gjatë gjithë ditës dhe natës.
Temperaturat do të shënojnë një rritje të ndjeshme, duke u luhatur nga 11°C në Peshkopi deri në 35°C në zonat më të nxehta të vendit.
Era do të jetë e lehtë deri mesatare nga drejtimi verior, me shpejtësi deri në 35 km/h, ndërsa në brigjet detare parashikohet dallgëzim i ulët, deri në 2 ballë.
