Një aksident rrugor ka ndodhur mëngjesin e kësaj të marte në Unazën Jugore të Elbasanit, në zonën e njohur si “Lagja e Kinezëve”.
Dy automjete janë përplasur “kokë më kokë” rreth orës 06:00, duke shkaktuar dëmtime të konsiderueshme materiale.
Si pasojë, një nga drejtuesit e mjeteve ka mbetur i plagosur dhe është dërguar në Spitalin Rajonal të Elbasanit.
Mjekët bëjnë me dije se gjendja e tij është e qëndrueshme dhe jashtë rrezikut për jetën.
Policia ndodhet në vendngjarje dhe po heton për të zbardhur shkaqet e aksidentit.
