Aktori i njohur Timo Flloko ka vlerësuar regjisorin e ndjerë Dhimitër Anagnosti si një figurë kyçe në zhvillimin e kinematografisë shqiptare.
Në një prononcim për mediat gjatë homazheve, Flloko tha se Anagnosti luajti një rol të jashtëzakonshëm në emancipimin e lojës aktoriale në vend.
“Ai mori brumin e talentuar të aktorëve dhe solli një lojë realiste në kinema, për të cilën nuk do të harrohet kurrë. Ne aktorët i jemi borxhli,” u shpreh Flloko.
Ai kujtoi gjithashtu me emocion një nga skenat më kulmore të karrierës së tij, të realizuar nën regjinë e Anagnostit.
