Zëvendëskryeministrja dhe Ministrja e Infrastrukturës dhe Energjisë, Belinda Balluku, u shpreh gjatë prezantimit të Operatorit Kombëtar të Ujit se dy vitet e para të reformës kanë dhënë rezultate konkrete.
Ajo evidentoi si sfida kryesore fragmentimin e sistemit, borxhet e larta dhe nivelin e ulët të shlyerjes së faturave.
Balluku theksoi se, në vitin 2020, niveli i shlyerjes së faturës në vend ishte 51%, me probleme të theksuara në qytete si Kukësi (9%) dhe Gjirokastra (37%), duke ndikuar në furnizimin e paqëndrueshëm me ujë.
Reforma ka synuar gjithashtu rregullimin e faturimit dhe krijimin e shërbimeve të unifikuara dhe të standardizuara.
“Faza e parë e reformës është përmbyllur, por kjo na vendos para një përgjegjësie të re për të siguruar një sektor të qëndrueshëm dhe eficient,” tha Balluku.
