Reperja Cardi B është liruar nga një juri në Los Angeles, pas padisë që i bëri një roje sigurie, e cila kërkonte 24 milionë dollarë dëmshpërblim për një sulm me thonj.
Emani Ellis pretendonte se Cardi B ia kishte gërvishtur fytyrën me një thikë me gjatësi 7.5 cm dhe kishte pështyrë mbi të gjatë një takimi në zyrën e një mjekeje obstetër në vitin 2018.
Në momentin e incidentit, Cardi B ishte shtatzënë, por kjo nuk ishte bërë publike.
Gjyqi solli shumë momente të tensionuara, ndërsa reperja mohoi të ketë kryer ndonjë sulm fizik dhe tha se roja e ndiqte dhe e filmonte pa lejen e saj.
Pas vetëm një ore diskutimi, juria vendosi ta shpallë të pafajshme Cardi B-në nga të gjitha akuzat, përfshirë sulmin, dhunën dhe shkaktimin e shqetësimit emocional.
Pas vendimit, Cardi B deklaroi se punon shumë për familjen e saj dhe nuk do të lejojë askënd të abuzojë me të padrejtësisht.
