Mbrëmë rreth orës 21:00, në një mur në rrugën “Vasilia Ostrovski” në Mitrovicën e Veriut, është shfaqur një grafit kërcënues në drejtim të kryeministrit në detyrë, Albin Kurti.
Shkrimi, i bërë në gjuhën serbe me alfabet cirilik, përkthyer në shqip thotë: “Me agimin që po lind në Kosovë, Albin Kurti do të jetë i vdekur.”
Policia ka konfirmuar se rasti është hapur si “kanosje”, por deri tani nuk ka të arrestuar.
Sipas autoriteteve, i njëjti mesazh ishte shpërndarë më herët edhe në rrjetin social serb “Korridori”.
