Policia speciale greke ka nisur një operacion të gjerë kundër kontrabandës dhe mashtrimit në stacionet e karburantit në disa qytete kryesore të vendit.
Gjatë kontrolleve në Atikë, Selanik, Artë, Trikala, Larisa, Katerini, Volos dhe Lakonia, janë arrestuar 15 persona të dyshuar për kontrabandë karburanti, evazion fiskal dhe manipulim të pompave të karburantit.
Në disa stacione janë gjetur edhe softuerë që ndërhynin në sistemet e matjes së karburantit, duke u dhënë shoferëve më pak sasi karburanti sesa ajo që shfaqej në pompa.
Hetimet vazhdojnë për zbardhjen e plotë të kësaj skeme.
