Kryeministri Edi Rama, në një deklaratë të fundit, ka kritikuar ashpër mënyrën se si janë menaxhuar ndërmarrjet e ujësjellësve në Shqipëri, duke i cilësuar si të mbushura me “punonjës parazitë”, të punësuar jo për meritë, por si rezultat i krushqisë, politikës apo miqësive lokale.
Ai theksoi se një nga problemet themelore të furnizimit dhe shpërndarjes së ujit është niveli i ulët profesional i burimeve njerëzore, dhe shtoi se shumë drejtorë e kuptojnë tashmë se pak punonjës të përgatitur bëjnë punën, ndërsa një pjesë e madhe tjetër janë të padobishëm.
Rama paralajmëroi një shkëputje të Operatorit Kombëtar të Ujit nga ndikimi politik, duke e krahasuar këtë proces me transformimin që, sipas tij, ka ndodhur më parë me OSHEE-në (Operatorin e Shpërndarjes së Energjisë Elektrike).
Ai u shpreh se OSHEE tashmë nuk funksionon më sipas vullnetit të partisë, por si një korporatë që ndjek rregulla menaxheriale dhe ka rezultate konkrete.
