Policia e Tiranës ka finalizuar operacionin e koduar “Again”, duke arrestuar një 30-vjeçar me precedent penal, i cili u kap i armatosur në rrugën “Ibrahim Rugova”.
Gjatë kontrollit, atij iu gjet një pistoletë me fishek në fole.
Në pranga për moskallëzim krimi ra edhe shoku i tij, 35 vjeç.
Personi me iniciale S. S. rezulton i dënuar më parë për armëmbajtje pa leje dhe vjedhje me dhunë.
Arma e zjarrit dhe municioni u sekuestruan si prova materiale, ndërsa materialet procedurale janë referuar në Prokurori për hetime të mëtejshme.
