Presidenti i Ukrainës, Volodymir Zelensky dhe ai i Francës, Emmanuel Macron kanë mbajtur një konferencë për shtyp pas samitit të radhës për Ukrainën. Gjatë samitit u diskutua për garancitë e sigurisë për Ukrainën.
Macron në konferencë u shpreh se 26 vende kanë premtuar që do të dërgojnë trupa në Ukrainë si forcë sigurie.
“Deri më sot, 26 vende nga ky Koalicion i të Gatshmëve janë zotuar të dërgojnë trupa në Ukrainë si forca sigurie duke filluar një ditë pas nënshkrimit të marrëveshjes së paqes”, tha ai.
Gjithashtu nënvizoi se qëllimi i tyre nuk është të zhvillojnë luftë, por të garantojnë paqen dhe një armëpushim, si dhe të parandalojnë një sulm të ri.
