Kryeministri Edi Rama ka paralajmëruar përgjegjësi ligjore për inspektorët në terren që “mbyllin sytë” ndaj ndërtimeve pa leje.
“Në paketën e re që do të prezantojmë në javën e ardhshme ne do fusim në ligj dhe përgjegjësinë drejtpërdrejt të symbylljes. Nuk mund të thuash që isha inspektor dhe nuk e pashë. Do duhet të mbash përgjegjësi edhe ti, ligjore, që nuk e kemi sot. Këto janë sfida të cilat i kanë kaluar dhe jetojnë edhe sot edhe vende shumë të mëdha”, tha Rama në emisionin Opinion.
Rama paralajmëroi se me Fondin e Gjelbër për çdo karrige që do të vendoset jashtë nga bizneset do të kontribuohet me një pemë.
“Do mbjellim shumë në Shqipëri në këtë pesëvjeçar do krijojmë korridore në anë të autostradave, dhe aty do të detyrojmë mbjellje”, u shpreh ai.
