Elon Musk, tashmë njeriu më i pasur në botë, mund të bëhet trilioneri i parë, pasi Tesla ka prezantuar një paketë të re shpërblimi që lidhet me performancën e kompanisë në vitet e ardhshme.
Paketa e re përfshin mundësinë që Musk të marrë deri në 423.7 milion aksione shtesë, me një vlerë të mundshme prej 143.5 miliardë dollarësh, nëse Tesla arrin një kapitalizim tregu prej 8.5 trilionë dollarësh shumë më lart se niveli aktual prej 1.1 trilionë.
Ky plan ambicioz vjen pasi bordi kërkon të sigurojë që Musk të vazhdojë të jetë i fokusuar te Tesla, ndërsa ai drejton edhe kompani të tjera si SpaceX dhe startup-in e inteligjencës artificiale, xAI.
Musk aktualisht zotëron 410 milion aksione në Tesla dhe ka një pasuri totale të vlerësuar në 378 miliardë dollarë, sipas Bloomberg.
