Presidenti i Ukrainës, Volodymyr Zelensky, u takua me kryeministrin e Sllovakisë, Robert Fico, në qytetin Uzhhorod, pranë kufirit perëndimor të Ukrainës.
Takimi, të cilin Zelensky e quajti “thelbësor”, u fokusua në çështje kyçe si lufta me Rusinë, garancitë e sigurisë dhe energjia.
Fico theksoi se, ndonëse ka dallime në qëndrime mes dy vendeve, marrëdhëniet mbeten të qëndrueshme. Ai shprehu shqetësim për ndikimin që sulmet ukrainase ndaj infrastrukturës energjetike ruse kanë pasur në Sllovaki, sidomos përmes tubacionit të naftës “Druzhba”.
Takimi vjen pak ditë pas vizitës së Fico-s në Kinë dhe takimit të tij me presidentin rus Vladimir Putin. Në bisedën me Zelenskyn, ai përmendi edhe kontaktet me ish-presidentin amerikan Donald Trump.
