Presidenti ukrainas, Volodimir Zelensky e ka refuzuar ftesën e homologut rus Vladimir Putin për negociata në Moskë. Zelensky e ka ftuar Putinë që të vijë në Kiev.
“Putini mund të vijë në Kiev… Nuk mund të shkoj në Moskë ndërsa vendi im sulmohet çdo ditë nga Rusia. Nuk mund të shkoj në kryeqytetin e këtij terroristi. Edhe Putini e kupton këtë”, deklaroi Zelensky në një intervistë për ABC NEWS.
Ai tha se propozimin e Putinit e sheh si një mënyrë për të shtyrë një takim të vërtetë.
“Nëse dikush nuk dëshiron të takohet gjatë kohës së luftës, natyrisht që mund të propozojë diçka që për mua apo për të tjerët është e papranueshme”, u shpreh Zelensky.
