Presidentja e Komisionit Evropian, Ursula Von der Leyen ka reaguar pas sulmit të fundit rus në Ukrainë. Von der Leyen thotë se Moska po shpërfill diplomacinë dhe vret njerëz akoma më shumë.
Ajo nënvizon se Evropa mbështet Kievin dhe se do të rrisin presionin ndaj Moskës me më shumë sanksione.
“Mbrëmë, Rusia nisi një nga sulmet më të mëdha me raketa dhe dronë kundër Ukrainës, duke synuar si ndërtesat qeveritare ashtu edhe shtëpitë e civilëve. Edhe një herë, Kremlini po shpërfill diplomacinë, po shkel ligjin ndërkombëtar dhe po vret pa dallim. Evropa e mbështet plotësisht dhe do të vazhdojë ta mbështesë Ukrainën. Ne po forcojmë forcat e armatosura ukrainase, po krijojmë garanci të qëndrueshme sigurie dhe po shtrëngojmë sanksionet për të rritur presionin ndaj Rusisë. Vrasjet duhet të ndalen”, thotë Von der Leyen.
