Klubi i Futbollit Tirana ka njoftuar largimin e trajnerit Vangjel Mile, duke u bërë klubi i parë në Superligën shqiptare që ndërpret bashkëpunimin me trajnerin pas vetëm dy javësh kampionat.
Sipas njoftimit zyrtar, ndarja është bërë në mënyrë konsensuale pas një takimi me anëtarin e bordit drejtues, Grent Halili. Klubi e cilëson vendimin si të nevojshëm për arsye strategjike dhe në funksion të objektivave të sezonit.
Tirana ka arritur vetëm një pikë në dy ndeshjet e para të kampionatit, pas barazimit me Bylisin dhe humbjes 3-1 ndaj ekipit debutues, Vora.
