14-vjeçari Martin Cani para disa muajsh u vra me thikë pranë shkollës “Fan Noli” në Tiranë.
Nëna e tij Florina Cani ka reaguar me një mesazh prekës në ditën e nisjes së vitit të ri shkollor. Florina Cani shprehet se humbja e të birit i ka lënë boshllëk në zemër që çdo ditë bëhet edhe më e rëndë.
“Më mungon buzëqeshja jote, dashuria dhe praninë jote. Ikja jote mizore nga kjo botë më mori frymën, por nuk mund të marrë kurrë dashurinë për ty.
Dhimbja ime bëhet edhe më e madhe kur mendoj se kjo tragjedi mund të ishte shmangur. Mësuesit nuk të mbrojtën dhe nuk vunë në dijeni për zënkën që kishe me moshatarin tënd. Ishte neglizhenca e tyre që çoi deri këtu”, shprehet ajo.
