Pas atentatit të rëndë me dy të vdekur dhe dy të plagosur në Shkodër që ndodhi ditën e hënë, grupi hetimor ka marrë në pyetje edhe vajzën e plagosur, që punonte kamariere në lokalin që ndodhi masakra.
Pas ngjarjes së rëndë të ndodhur mëngjesin e djeshëm në Shkodër, ku humbën jetën Armando Pali dhe Liridon Kraja (truproja i Erogen Brajoviç), ndërsa u plagosën rëndë Brajoviçi dhe kamarierja 25-vjeçare Meri Kacerri, reagoi motra e kësaj të fundit.
Ajo thekson se familja e saj nuk ka dhënë dhe nuk ka ndërmend të japë deklarata për mediat, duke i cilësuar lajmet që qarkullojnë si të njëanshme dhe të pavërteta. Ajo bën thirrje që të respektohet dhimbja e familjes dhe të mos përdoret emri i tyre për përfitime mediatike.
