Ka përfunduar mbledhja e Kryesisë së Partisë Demokratike, nga e cila kanë dalë disa vendime të rëndësishme në lidhje me qëndrimet e forcës opozitare ndaj zhvillimeve të fundit politike në vend.
Kryesia ka vendosur të mos i njohë zgjedhjet e 11 majit, duke i cilësuar ato të parregullta dhe të manipuluara.
Gjithashtu, është vendosur që përfaqësuesit e Partisë Demokratike të marrin pjesë në seancën plenare të së premtes në Kuvend, duke rikthyer praninë e tyre në jetën parlamentare.
Një tjetër hap i ndërmarrë është kërkesa për ngritjen e dy komisioneve hetimore parlamentare: një për procesin zgjedhor dhe një për çështjen e njohur si “McGonigal”, e cila ka tërhequr vëmendje të konsiderueshme publike dhe politike gjatë muajve të fundit.
Vendimet e marra në këtë mbledhje pritet të formalizohen në vijim nga strukturat përkatëse të PD-së.
