Ajo që ndodhi mbrëmë në “Stadion Rajko Mitić” gjatë ndeshjes mes Serbisë dhe Anglisë nuk ishte thjesht një humbje e thellë 0-5 për vendasit, por një kaos i vërtetë në tribuna dhe jashtë tyre.
Organizimi i dobët, tensionet mes tifozëve dhe thirrjet provokuese kanë ngritur shqetësime serioze, jo vetëm në mediat vendase, por edhe në sytë e UEFA-s.
Tashmë, nuk përjashtohet mundësia e ndonjë sanksioni ndaj Serbisë – madje edhe me mbyllje të tribunave.
Ironikisht, ndeshja e radhës për ta është ndaj Shqipërisë, më 11 tetor në Beograd. Çfarë do ndodhë deri atëherë, mbetet për t’u parë.
