Përfaqësuesja e lartë e BE, Kaja Kallas ka reaguar pas sulmir rus në hapësirën ajorore polake. Kallas me anë të një postimi në platformën X shprehet se sulmi ishte e qëllimshme dhe jo aksidentale.
“Mbrëmë në Poloni pamë shkeljen më serioze të hapësirës ajrore evropiane nga Rusia që nga fillimi i luftës në Ukrainë”, shprehet Kallas.
Ajo thekson se Bashkimi Evropian qëndron në solidaritet absolut më Poloninë.
“Lufta e Rusisë po përshkallëzohet dhe nuk po mbaron. Ne duhet të rrisim koston për Moskën, të forcojmë mbështetjen tonë për Ukrainën dhe të investojmë në mbrojtjen e Evropës. BE-ja luan një rol të rëndësishëm dhe do të vazhdojë të mbështesë iniciativa të tilla si linja mbrojtëse e Mburojës Kufitare Lindore”, përfundoi Kallas.
