Kryeministri izraelit Benjamin Netanyahu konfirmoi sërish qëndrimin e tij kundër krijimit të një shteti palestinez gjatë ceremonisë së nënshkrimit të planit për ndërtimin e 3,400 banesave të reja në zonën strategjike të Maale Adumim, në Bregun Perëndimor.
Ky projekt, i njohur si Plani E1, synon të zgjerojë vendbanimet izraelite dhe të ndajë Bregun Perëndimor në veri e jug, duke izoluar Jerusalemin Lindor nga territoret palestineze.
Vendimi ka shkaktuar reagime të ashpra nga Bashkimi Evropian dhe Kombet e Bashkuara, të cilët e konsiderojnë atë një pengesë serioze për zgjidhjen me dy shtete dhe një shkelje të së drejtës ndërkombëtare.
Ndërtimi i vendbanimeve izraelite në Bregun Perëndimor është një politikë që vazhdon prej vitit 1967 dhe është intensifikuar ndjeshëm pas fillimit të luftës në Gaza në tetor 2023, duke tensionuar më tej marrëdhëniet në rajon dhe vështirësuar perspektivat për paqe.
