Presidentja e Parlamentit Evropian Roberta Metsola, refuzoi një propozim për një minutë heshtje për aktivistin konservator Charlie Kirk i cili u vra në Universitetin e Utahut.
Propozimi u paraqit nga eurodeputeti Charlie Weimers, si një akt simbolik për të mbrojtur lirinë e fjalës.
Metsola argumentoi se, sipas rregullave të Parlamentit, minutat e heshtjes mund të shpallen vetëm nga Presidenti dhe duhet të paraqitet kërkesa nga një grup politik.
Weimers e përdori kohën e tij për të shprehur qëndrimin mbi incidentin, ndërsa nënkryetarja Katarina Barley ndërpreu përpjekjen për një homazh në heshtje.
Ky vendim shkaktoi reagime të forta, sidomos nga eurodeputetët e ekstremit të djathtë, të cilët goditën karriget dhe protestuan kundër refuzimit të propozimit.
