Kryeministri i Katarit, Mohammed bin Abdelrahman al-Thani, i bëri thirrje komunitetit ndërkombëtar të “ndalojë përdorimin e standardeve të dyfishta” dhe të vendosë sanksione ndaj Izraelit për “krimet e tij”.
Ai bëri këto deklarata një ditë para samitit të liderëve arabë dhe myslimanë në Doha, që synon të dënojë sulmet izraelite ndaj Hamasit.
Në lidhje me draftin e komunikatës përfundimtare të samitit, i cili dënon Izraelin për “përshkallëzim destabilizues” dhe kundërshton planet e tij për të “imponuar një realitet të ri në rajon”, al-Thani tha:
“Duhet të ndalojmë së përdoruri standarde të dyfishta dhe të vendosim sanksione ndaj Izraelit për krimet e tij.”
Megjithatë, drafti aktual nuk përmban masa konkrete ekonomike ose diplomatike ndaj Izraelit, por përmbajtja mund të ndryshojë para takimit zyrtar.
