Presidenti brazilian Luiz Inácio Lula da Silva ka reaguar për herë të parë pas dënimit me 27 vite burg të ish-presidentit Jair Bolsonaro duke mbrojtur vendimin e Gjykatës së Lartë si një hap legjitim për mbrojtjen e demokracisë.
Në një artikull për The New York Times, Lula e cilësoi si të papërgjegjshme deklaratën e Donald Trump, i cili e quajti gjykimin “gjueti shtrigash” dhe vendosi tarifa ndaj produkteve braziliane në shenjë hakmarrjeje.
Bolsonaro u shpall fajtor për komplot kundër rezultateve të zgjedhjeve të vitit 2022 dhe për nxitjen e dhunës gjatë trazirave të 8 janarit 2023 në Brasília.
