Paraditen e sotme, ambasadori i Ukrainës në Shqipëri, Volodymyr Shukrov ka pësuar një infarkt në fshatin turistik të Voskopojës.
Pas dhimbjeve të forta dhe shenjave të para të një goditjeje në zemër ambasadori është transportuar me urgjencë drejt spitalit rajonal të Korçës, ku ka marrë ndihmën e parë mjekësore.
Mësohet se gjendja e tij është stabile, por do të transportohet drejt Tiranës për një trajtim më të specializuar.
Ambasadori ndodhej në Voskopojë së bashku me bashkëshorten e tij për një vizitë turistike.
Ambasadori i Ukrainës në Shqipëri pëson infarkt në Voskopojë, transportohet drejt Tiranës
