Këshilli i Ambasadorëve Shqiptarë (KASH) ka reaguar ndaj pezullimit të Dialogut Strategjik me Kosovën nga SHBA, duke e quajtur këtë vendim të padrejtë dhe rrezik për stabilitetin në Ballkanin Perëndimor.
Sipas KASH, ky hap mund të destabilizojë rajonin dhe i jep mundësi Serbisë të ndërhyjë përmes partive politike serbe në Kosovë.
KASH kërkon nga qeveria e Kosovës që të tejkalojë krizën dhe të bashkëpunojë me SHBA për mbrojtjen e interesave të Kosovës. “Kosova ka nevojë për përkrahje dhe jo presione që paralizojnë institucionet e saj,” theksohet në deklaratën e KASH.
Pezullimi i dialogut erdhi pas shqetësimeve të SHBA-së për rritjen e tensioneve dhe paqëndrueshmërisë nga veprimet e qeverisë në detyrë të Kosovës.
