Një ngjarje e rëndë është regjistruar pak minuta më parë në kthesën e fshatit Starovë, përgjatë aksit nacional Pogradec–Korçë.
Një drejtues motori është gjetur i rrëzuar në rrugë, ndërsa ende nuk është e qartë nëse ka humbur kontrollin apo është përplasur nga ndonjë automjet tjetër.
Burime paraprake bëjnë me dije se motoristi është dërguar me urgjencë drejt spitalit dhe dyshohet të jetë në gjendje të rëndë shëndetësore.
Policia ka mbërritur në vendngjarje dhe ka nisur hetimet për të zbardhur shkaqet e aksidentit.
