Ish-ndihmësi i sekretarit amerikan të Shtetit, James Rubin po vazhdon dëshminë për mbrojtjen e ish-krerëve të UÇK-së në Hagë.
Rubin u pyet nëse ka dijeni për kërcënimet që Hashim Thaçi mund ti ketë bërë dy anëtarëve të delegacionit të Kosovës në Rambuje, të cilët nuk ishin pjesë e UÇK-së. Ai tha se nuk kishte dijeni për ndonjë kërcënim fizik.
Rubin shtoi se Thaçi është kërcënuar nga sekretarja e Shtetit, Madeline Albright, e cila e detyronte ish presidentin që të firmoste marrëveshjen e Rambujesë.
“Ta ndajmë kërcënimin fizik nga ai moral. Jo nuk e kam ditur që ka pasur kërcënim fizik, por e di që ka pasur presion ideologjik pro ose kundër pavarësisë sepse kjo ishte kryesorja për lëvizjen gjatë luftës. Kështu që Albright e ka kërcënuar Thaçin duke i thënë se nëse nuk nënshkruan, nëse i lë njerëzit e pambrojtur nga serbët… kam dëgjuar edhe se është kërcënuar edhe Demaçi”, tha Rubin.
