Këngëtarja e njohur Shkëndije Muja në një intervistë ka folur hapur për vendimin e saj për t’u larguar nga muzika dhe për t’iu rikthyer besimit në Zot.
“Kam pasur sfida, por Zoti është gjithmonë në anën e besimtarëve dhe ua lehtëson rrugën. Ai që mbështetet te Zoti do të jetë gjithmonë triumfues,”, u shpreh këngëtarja në Dita Jonë.
Ajo tha se përveç paragjykimeve është përballur edhe me kërcënime për shkak të mesazheve të saj të lidhura me besimin.
“Ka pasur kërcënime që të ndalem, të mos përçoj mesazhe të tilla, të mos kem influencë te rinia, por kjo më ka bërë të jem edhe më e vendosur,”, tha këngëtarja.
Ajo nënvizoi se nuk do të ndalet në përhapjen e mesazheve që sipas saj sjellin paqe dhe forcë tek të rinjtë.
