Presidenti i Ukrainës Volodymyr Zelensky i ka dërguar urime kryeministrit shqiptar Edi Rama për rizgjedhjen në krye të qeverisë shqiptare, përmes një mesazhi në rrjetin social X.
Zelensky theksoi dëshirën për të vijuar dialogun e frytshëm dhe për të punuar së bashku në drejtim të paqes dhe sigurisë së qëndrueshme në Evropë.
Ai gjithashtu i uroi Ramës sukses në realizimin e planeve për Shqipërinë, duke veçuar veçanërisht rrugën drejt anëtarësimit në Bashkimin Evropian:
“I uroj Kryeministrit Rama çdo sukses në realizimin e planeve të tij ambicioze për Shqipërinë, përfshirë në rrugën e saj drejt BE-së. Së bashku, do të avancojmë vlerat tona të përbashkëta dhe të ardhmen e sigurt e të begatë të kombeve tona në një Evropë të bashkuar e të fortë.”
