Deputeti i Partisë Demokratike, Xhelal Mziu ka dhënë dëshminë e tij në lidhje me shpërthimin e ndodhur në banesën e tij në Kamëz.
Mziu ka thënë para hetuesve se nuk ka asnjë konflikt personal dhe nuk dyshon tek asnjë person konkret që mund të qëndrojë pas ngjarjes. Ai ka thënë që në momentin e shpërthimit në banesë ndodhej vetëm ai dhe bashkëshortja e tij.
Nga hetimet dyshohet se ngjarja është një mesazh, pasi sasia e lëndës plasëse ka qenë relativisht e vogël dhe është vendosur në pjesën e sipërme të murit rrethues të banesës.
Ndërkohë grupi hetimor po vijon punën për identifikimin e autorëve dhe po analizohen të gjitha pistat.
Shpërthimi i tritolit në banesën e Xhelal Mziut, dëmtohet makina e parkuar
