Një operacion kërkim-shpëtimi që zgjati plot 12 orë përfundoi me sukses në zonën e thepisur të Ujvarës së Shëngjergjit ku dy turistë nga Gjermania u lokalizuan dhe u nxorën të padëmtuar nga terreni i vështirë.
Turistët kishin mbetur të bllokuar në një zonë të largët, pa akses rrugor, gjë që e bëri ndërhyrjen të vështirë dhe të zgjatur në kohë.
Menjëherë pas marrjes së njoftimit, forcat e policisë u vunë në lëvizje.
Falë koordinimit mes strukturave dhe përpjekjeve intensive në kushte të vështira, dy turistët u gjetën në gjendje të mirë shëndetësore dhe u transportuan në një zonë të sigurt.
