Mbrojtësi i Kombëtares shqiptare, Marash Kumbulla, është dëmtuar sot gjatë ndeshjes që Majorka po zhvillonte ndaj Atletiko Madridit në La Liga. Ai u detyrua të largohej nga fusha në minutën e 36-të, duke i shtuar pasiguri pranisë së tij në sfidën vendimtare ndaj Serbisë për kualifikueset e Botërorit 2026.
25-vjeçari u huazua këtë sezon te Majorka dhe kishte siguruar menjëherë vendin e titullarit, por një tjetër dëmtim rrezikon ta lërë jashtë fushave. Ende nuk dihet shkalla e dëmtimit.
