Forcat Ajrore Gjermane janë vënë në lëvizje pasi një avion luftarak rus, i identifikuar si IL-20M, u zbulua duke fluturuar pa plan fluturimi dhe pa kontakt radiofonik në hapësirën ajrore ndërkombëtare mbi Detin Baltik. Dy Eurofighter gjermanë u ngritën për të ndjekur mjetin ajror rus, para se t’ua dorëzonin misionin e shoqërimit forcave suedeze, partnere të NATO-s.
Sipas autoriteteve gjermane, ky është një tjetër rast i shkeljeve të ngjashme, që po ndodhin gjithnjë e më shpesh në rajonin e Balltikut.
Ndërkohë, Këshilli i Atlantikut të Veriut në NATO do të mblidhet të martën për të diskutuar edhe një tjetër incident shkeljen e hapësirës ajrore të Estonisë nga avionë rusë.
