Për herë të parë në historinë e festivalit të njohur Oktoberfest në Mynih, komuniteti shqiptar ka marrë pjesë në parakalimin festiv duke veshur kostumet tradicionale kombëtare.
Ky moment i veçantë u realizua falë përpjekjeve të Shoqatës “Iliria München”, e cila mbështeti shqiptarët në përfaqësimin e kulturës dhe traditës së tyre gjatë kësaj ngjarjeje madhështore.
Parakalimi i shqiptarëve jo vetëm që nxori në pah pasurinë kulturore, por gjithashtu forcoi lidhjet ndërmjet komunitetit shqipfolës dhe banorëve vendas, duke i dhënë një dimension të ri festivalit që tërheq çdo vit mijëra vizitorë nga e gjithë bota.
