Presidentja e Komisionit Evropian, Ursula von der Leyen, ka mbrojtur sanksionet e propozuara ndaj Izraelit, si reagim ndaj operacioneve ushtarake në Rripin e Gazës. Ajo theksoi se zgjidhja me dy shtete është e vetmja rrugë për paqe të qëndrueshme në rajon.
Von der Leyen akuzoi qeverinë izraelite për përpjekje për të minuar këtë zgjidhje dhe njoftoi masat ndëshkuese, që përfshijnë pezullimin e disa preferencave tregtare ndaj Izraelit dhe sanksione ndaj politikanëve radikalë si Bezalel Smotrich dhe Itamar Ben-Gvir.
Komisioni po kërkon gjithashtu sanksione ndaj Hamasit dhe xhihadistëve palestinezë, por mbetet e pasigurt nëse të gjitha vendet anëtare të BE-së do të mbështesin propozimin.
