Pas Konferencës së Kryetarëve, kreu i grupit parlamentar të PS-së, Taulant Balla kërkoi nga grupet parlamentare të plotësojnë emrat e komisioneve.
“Lidhur me një moment tjetër me rëndësi të konstituimit të jetës parlamentare, që ka të bëjë me komisionet. Duhej që sot grupet parlamentare të sillnin propozimet e tyre për përbërjen e komisioneve.
Ende nga ana e tre grupeve të opozitës s’kanë ardhur propozimet për Kryesinë. Duhet me patjetër që deri ditën e seancës së ardhshme plenare ky proces të përfundojë”, tha Balla.
Po në rast se kjo nuk ndodh? “Në aspektin procedurial, komisioni quhet i konstituuar kur shumica është prezent, mbledhja mund të iniciohet me ¼-ën e anëtarëve. Por shpresoj që të realizohet kjo gjë sa më shpejt”, u përgjigj Balla.
