Gjykata e Fierit ka shpallur dënimin me 25 vjet burg për Xhevair Veizi, i cili u shpall fajtor për “Marrëdhënie seksuale me të mitur”.
Veizi duke shfrytëzuar gjendjen e dobët ekonomike të familjes së të miturës dhe lidhjet personale me ta, ka abuzuar seksualisht me një vajzë të mitur.
Hetimet zbuluan se ai kishte ftuar të miturën në banesën e tij dhe kishte kryer aktin abuzues.
Arrestimi i tij u realizua më 12 janar 2023, pas hetimeve intensive nga Prokuroria e Fierit, e cila ngriti akuzën bazuar në provat dhe dëshmitë e grumbulluara.
Veizi gjithashtu u akuzua për shfrytëzim prostitucioni dhe mbajtje armësh pa leje, por për këto akuzat është hapur një çështje tjetër e ndarë.
Prokuroria ka shprehur angazhimin për të vijuar hetimet dhe për të sjellë para drejtësisë çdo person që kërcënon sigurinë e të miturve.
