Kryeministri Edi Rama po zhvillon një takim me deputetët dhe ministrat. Rama u ndal tek shkarkimi i Erion Veliajt dhe u shpreh se Tirana ka nevojë për një kryetar bashkie.
“Pas 7 muajsh pa një kryetar bashkie në krye të detyrës, u detyruam të marrim një hap të debatueshëm në raport me Veliajn, por të detyrueshëm në raport me fatin e kryeqytetit të shqipërisë.
Këshilli Bashkiak miratoi dje shkarkimin e kryetarit për ti hapur rrugë zgjedhjeve për bashkinë Tiranë. Janë llomotitur shumë gjëra me këtë hap, por nuk ia vlen të merremi me ata që i ka rënë Diella në kokë, as me ata që 3 herë rresht nuk e mundën dot Erionin me luftën e tyre patologjike. Sot fryjnë gjokset me letër anonime. as me ata të cilët e quajnë diktaturë kur shumica parlamentare detyrohet të kalojë vë votimin e programit pasi i ndalohet të paraqesë programin e kuvendit.”, tha Rama.
“Tirana nuk mund të gdhiet si një trup pa kokë”, shtoi kryeministri.
