Përfaqësuesit e sindikatave kryesore të Francës u takuan sot në Paris me kryeministrin Sébastien Lecorni-n, si pjesë e përpjekjeve të këtij të fundit për të formuar një qeveri të pranueshme për sindikatat dhe parlamentarët.
Përfaqësuesit e sindikatave nuk janë të kënaqur me atë që dëgjuan nga kryeministri i emëruar. Sindikatat u bëjnë thirrje punëtorëve francezë të vazhdojnë grevat edhe më 2 tetor.
Sipas përfaqësuesve të sindikatave, Lecorni nuk duket i gatshëm të anulojë shumë nga masat e kursimit fiskal të propozuara nga kryeministri në largim, François Bayrou, përmes projektbuxhetit të shtetit për vitin 2026, të cilin ai e paraqiti para rënies së qeverisë së tij.
