Gjykata e Posaçme e Apelit ka lënë në fuqi vendimin e shkallës së parë për dënimin me burgim të përjetshëm të Fran Marashit. Ai akuzohet si autori i masakrën e Urës Vajgurore në qershor të 1997-ës, ku u vranë 4 efektivë policie dhe u plagosën 6 të tjerë.
Katër efektivët që humbën jetën janë: Arjan Shemuni, Miltjadh Koço, Asllan Selalmaj dhe Ilia Banaj. Ndërsa 6 efektivët e tjerë që mbetën të plagosur janë Thimi Tanku, Shkëlqim Selfaj, Ylli Dhamo, Neim Gjeroveni, Ëngjëllush Pasha dhe Arben Bega.
Nga të shtënat u vra edhe një qytetar Ilir Bani, i cili ndodhej në atë moment rastësisht.
Marashi do të vuaj dënimin në një burg të sigurisë së lartë. Më burg përjetë për të njëjtën ngjarje janë dënuar edhe Musa e Shkëlqim Protoduari, Fatbardha Protoduari me 25 vjet burg, si dhe Sokol Ndreu, Gjovalin Ndreu, Preng Miri dhe Gjelosh Miri.
