Kryetari i PD-së, Sali Berisha i kërkoi dorëheqjen Edi Ramës për atë që e cilësoi si skandalin e Arubas, bazuar tek denoncimi i gazetarit italian mbi takimin e bosëve të mafias dhe që sipas tij të pranishëm ishin edhe zyrtarë të lartë shqiptarë.
“Megaskandali i Aruba-s fakton se Edi Rama është person i rrezikshëm dhe bashkëpunëtor i organizatave të narkoterrorizmit ndërkombëtar. Dorëheqja e Edi Ramës, është rruga e vetme për shpëtimin e shqiptarëve, të rajonit dhe Europës nga rreziqet e mëdha të narkoshtetit shqiptar” shkruan ai.
