Mëngjesin e sotëm dy gra humbën jetën gjatë një përpjekjeje për të kaluar Kanalin Anglez me një mjet të improvizuar lundrimi.
Ngjarja ndodhi gjatë natës pranë brigjeve të Francës veriore, kur rreth 100 persona tentuan të mbërrijnë në Mbretërinë e Bashkuar me një gomone, sipas agjencisë së lajmeve AFP.
Sipas zyrtares franceze Isabelle Fradin-Thirode, e cituar nga AFP, 60 persona u shpëtuan dhe aktualisht po marrin ndihmën e nevojshme nga shërbimet e mbrojtjes civile.
Nga të shpëtuarit ishin edhe një çift me fëmijën e tyre, të cilët u dërguan me urgjencë në spitalin e Boulogne, pasi vuanin nga hipotermi e moderuar.
