Në Grand Blanc, Michigan, afër Detroitit, një person i armatosur sulmoi kishën mormone të “Jezu Krishtit të Shenjtorëve të Ditëve të Mëvonshme”. Ai qëlloi mbi besimtarët dhe më pas i vuri flakën ndërtesës, duke shkaktuar zjarre të mëdha dhe tym të denduar në zonë.
Autori i sulmit besohet të jetë neutralizuar nga policia, ndërsa shumë të plagosur janë transportuar me barela në spitale. Forca të shumta policore dhe zjarrfikëse janë angazhuar në vendngjarje, duke krijuar perimetër sigurie. Hetimet vazhdojnë për zbardhjen e plotë të ngjarjes dhe numrin e viktimave.
Kisha ndodhet pranë zonave të banuara dhe komuniteti lokal po ndjek me shqetësim zhvillimet.
