Presidenti amerikan Donald Trump do të pritet nesër në Shtëpinë e Bardhë nga kryeministri izraelit Benjamin Netanyahu.
Para këtij takimi, Trump publikoi në platformën e tij një mesazh ku e paraqet si një mundësi të jashtëzakonshme për të arritur një përparim të rëndësishëm në Lindjen e Mesme.
Në postimin e bërë, Trump shprehu bindjen se tani është krijuar një shans i veçantë për të bërë realitet diçka të re dhe të rëndësishme në rajon, duke sugjeruar se palët tashmë po e shohin një zgjidhje të mundshme. “Kemi një mundësi për diçka madhështore — për herë të parë, të gjithë janë në një frymë. Ne do ta realizojmë,” shkruajti ai.
Takimi i së nesërmes pritet të jetë vendimtar për nisma diplomatike dhe marrëveshje që mund të ndikojnë në dinamikën rajonale. Palët zyrtare pritet të diskutojnë çështje të sigurisë, bashkëpunimin ekonomik dhe hapa konkretë drejt zgjidhjeve që mund të sjellin stabilitet në Lindjen e Mesme.
