Kristjan Asllani ka shpjeguar vështirësitë që ka hasur në fillimin e aventurës së tij te Torino, duke theksuar se po përshtatet me një stil loje të ndryshëm nga ai që ishte mësuar më parë.
“Kam preferuar gjithmonë të luaj me tre në mesfushë, me një para mbrojtjes, por tani këtu luajmë me dy dhe po mësohem. Është një sfidë e re për mua, sidomos në fazën mbrojtëse, ku kërkohet më shumë ndjekje dhe markim një për një,” u shpreh mesfushori shqiptar.
Pavarësisht ndryshimit, Asllani theksoi se ndjehet mirë dhe do të vazhdojë të punojë për t’u përmirësuar çdo ndeshje.
